Jambalaja

Apr 13 2024 3

Jambalaja Podcast artwork

Jambalaja er tónleikasending við countrytónleiki sum útgangsstøði, men sum eisini ferðast í sjangrunum, sum hava givið countrytónleikinum íblástur, serliga fólkatónleik av bretskum, norðurlendskum og latínamerikanskum uppruna. Sendingin er eitt bland av bæði nýggjum og eldri tónleiki har roynt eisini verður at siga søgurnar handan sangin. Vertur er Ingi Samuelsen.

Subscribe on Podcast Addict

Jambalaja - 130424

Apr 13 2024 58 mins

Tað verður í stóran mun nýútgávur, sum verða at hoyra í Jambalaja í dag. Vit skulu hoyra Dolly Parton syngja ein sang hjá Tom Petty, vit skulu eisini hoyra Willie Nelson og Orville Peck í duett við einum rættiliga óvanligum sangi. Og annars hoyra um sangarar, ið tykjast at klára seg væl fyri tíðina.

Jambalaja 060424

Apr 06 2024 56 mins

Hixtape eitur ein spennandi nýggj verkætlan hjá sangaranum og framleiðaranum, Hardy. Her hevur hann savnað eina røð av kendum sangarum fyri saman at syngja kendu sangirnar hjá 90-ara stjørnuni, Joe Diffie, sum doyði viðkorona í 2020. Vit kaga eisini niður í søguligu hittlistarnar í dag, og hoyra eisini nakrar nýggjari útgávur eisini.

Jambalaja - 300324

Mar 30 2024 59 mins

Í sendingini henda páskaaftansdag hoyra vit andaligan tónleik - country,gospel og nýmótans lovsong. Vit spæla nøkur nøvn, sum kunnu upplivast í Føroyum á konsertum og festivalum seinni í ár, men hoyra eisini annað gott, til dømis ein nýggjan superbólk, ið kallar seg Brothers of the Heart.

Jambalaja - 230324

Mar 23 2024 55 mins

Í sendingini í dag fara vit at hoyra um teir tríggjar persónarnir, sum verða tiknir upp í Country Music Hall of Fame í ár. Eisini hoyra vit nýtt frá Wonder Woman of Country, Willie Nelson, Kacey Musgraves, Charley Crockett og Sawyer Brown.

Jambalaja 160324

Mar 16 2024 60 mins

Í Jambalaja í dag spæla vit tónleik við teimum báðum høvuðsnøvnunum, sum koma á countryfestivalin í Sørvági í summar, James Carothers og Nathan Carter. Og eftirsum pátriksmessa er hetta vikuskifti, verða fleiri góðir írskir sangir við Nathan Carter spældir.

Jambalaja 090324

Mar 09 2024 59 mins

Tað er spæl føroyskt vika í kringvarpinum, og av tí at altjóða kvinnudagur júst hevur verið, verða einans kvinnuligir sangarar við í sendingini í dag. Eisini spæla vit ein spildurnýggjan sang, sum ikki hevur verið at hoyra í útvarpi fyrr.

Jambalaja 020324

Mar 02 2024 55 mins

Aftur í dag verður tónleikur, ið er útgivin í 1974 á skránni. Tað vísir seg, at tað er hópin av rættiliga góðum tónleiki givin út hetta árið fyri fimmti árum síðani. Nógv av teimum stóru nøvnunum eru við, t.d. Waylon, Johnny og George og Loretta, Tammy og Tanya, umframt Glen Campbell, Gordon Lightfoot og Tom Waits.

Jambalaja 240224

Feb 24 2024 51 mins

Nýggjari tónleikur er á skránni at byrja við í sendingini. Har vit eisini spæla góðan siðbundnan countrytónleiki av nýggjari slag. Vit hoyra eitt nú Beyoncé, Post Malone, Sierra Ferrell og Blacberry Smoke.

Jambalaja 170224

Feb 17 2024 58 mins

Í Jambalaja í dag er einans tónleikur frá 1974. Nógvur góður countrytónleikur og tað, ið líkist, kom út hetta árið fyri fimmti árum síðani. Vit hoyra eitt nú Charlie Rich, Lynyrd Skynyrd, Elvis, Bob Dylan, Willie og John Denver.

Jambalaja 100224

Feb 10 2024 56 mins

Í Jambalaja í dag minnast vit Toby Keith, sum doyði mánadagin. Vit minnast eisini aftur á ein merkisverdan sang, sum toppaði fyri fimmti árum síðani. Og so hyggja vit eftir Grammy-virðislønunum, sum vórðu handaðar farna vikuskiftið.