في هذه الحلقة، فراس وسيف يجاوبون على السؤالين

السؤال الاول

اهلا شباب ، عندي سؤال اتمنى تجاوبونه بتفصيل ان امكن ، انا شخص ناوي اخش حاسب “هندسة برمجيات" واجيب معدل واموري تمام لكن ما ودي اعيش اللايف ستايل حق كباريه التخصص "العزلة الزايدة" والشغف المرعب للبرمجه لسنوات طويلة ، كلامي هذا قلته بهذا الاسلوب لاني لاحظت ماشاءالله حقين الحاسب خصوصا عندهم شغف عظيم لمجالهم ودايم عندهم حسابات فقط يتكلمون فيها عن هذا المجال بعكس باقي المتخصصين بالاداره والماليه والهندسه وغيرها ، سؤالي هو هل اقدر ادخل المجال هذا ويكون شغلي معقول و Average (ياليت تذكرون مثال عالشغل الAverage بالمجال عشان اخذ فكره😅) بدون ادمان وبرمجه بالساعات يوميا والقى وظايف بشركات ورواتب محترمة هنا بالسعودية؟ كلامي هذا ما اقوله لاني بدخل التخصص وماودي اجتهد فيه بالعكس ولكن اللي سمعته عن التخصص هذل بالذات انه تحتاج تكون قدام الكمبيوتر لساعات يوميا ولازم تمارسه بشكل كبير وهذا شيء ماسمعته بتخصصات اخرى ف متخوف نوعا ما والصراحه ماودي اكون كذا لكن ودي اخش التخصص واحسه ممتع بس مو لهذي الدرجه من الادمان ،،، باختصار هل الحاسب هو تخصص يحتاج لشغل مضاعف مقارنه بباقي التخصصات عشان تمشي فيه؟ ولا تقدر تمشي بالوضع الطبيعي وكثير ماشين بدون ادمان وشغف كبير للمجال؟ ويعطيكم العافيه على البودكاست الجميل ❤️

السؤال الثاني:

طيب سمعنا في الحلقه الماضية انه سيف** قرأ سيفيات كثير وسوا مقابلات مع خريجين كثير بس لاحظ انهم دون المستوى.

ايش المعيار اللي ممكن نمشي عليه عشان على الاقل يستوفي الحد الادنى عشان يعتبر مبرمج كويس؟ هل فقط المشاركه في اكواد مفتوحة المصدر؟ ايش المفاهيم الاساسيه اللي لازم يكون شاربها ومتعمق فيها ؟ ايش المهارات اللي لازم يكون مكتسبها؟ وكيف الواحد يحسن نفسه بالطريقه الصح مو بس يجلس يحضر كورسات او يعمل مشاريع وهيا فعليا ما تضيف له شي عميق.

شكراً جزيلاً لكم على جهدكم ووقتكم حقيقي استفدت من البودكاست!

رابط الاسئلة:

https://docs.google.com/forms/d/e/1FAIpQLSeWTx8POKosfojHl1WTxGVENBNBMS9cyZNf_hdD-4Pvak56Ug

للتواصل:

فراس الدهلوي: https://twitter.com/_ferasd

سيف الحارثي: https://twitter.com/SaifAlHarthi

عبدالله العامودي: https://twitter.com/bamousaa

الموسيقى: