كرسي في أول صف

ايه اللي يخللي طالب فاشل زي ألبرت أينشتاين يبقى أعظم عالم فيزيا في التاريخ؟
.وايه اللي يخللي واحد زي اسحق نيوتن يعمل "يوتيرن" ويبقى أهم عالم في عصر النهضة بعد ما أمه طلعته من المدرسة علشان يشتغل في المزارع.
مجاهد زي عمر المختار جاب منين القوة إنه يحارب جيش جرار زي الجيش الإيطالي وسط الصحاري والجبال لمدة 20 سنة؟!!
.ولا صلاح الدين الأيوبي..جاب منين الطاقة إنه يصلح مصر ويوحد العرب على مدى 18 سنة لحد ما حرر القدس؟.
كاتبة زي جيه كيه رولينج..ازاي قدرت تتحول من أم وحيدة مطلقة مصابة بالإكتئاب وعايشة على الإعانات..لكاتبة مرموقة باعت أكتر من 600 مليون نسخة من سلسلة هاري بوتر لوحدها؟؟.
نيلسون مانديلا..إزاي صبر على 28 سنة في السجن وخرج بعدها يحرر بلده من العنصرية ويحقق مصالحة وطنية؟؟.
مين يقدر يبقى زي ابن النفيس..عبقري في الطب والفقه والفلسفة والفلك واللغة والحساب؟ أو يبقى زي ليوناردو دافينشي..عبقري في الرسم والنحت والهندسة والتشريح؟.ولا أبو العلاء المعري وهيلين كيلر وطه حسين..اللي كانوا رواد في مجالاتهم رغم فقد نعمة البصر؟؟!!.
سمعتم عن مايكل فيلبس..اللي حصد 28 ميدالية أوليمبية..رغم معاناته من نقص التركيز وتعرضه للتنمر وهو طفل..وسقوطه في فخ الإدمان وهو كبير؟؟!!.طيب..بتشوفوا ازاي فريق كورة ممكن يبقى مغلوب 3-4 أجوان..وفي الآخر يقدر يتعادل ويكسب؟.
وقبل كل دول وبعدهم..أكيد عارفين ازاي الرسول عليه الصلاة والسلام والصحابة قدروا يحولوا قبائل بترعى الأغنام في بضع سنوات لأمة عظيمة بتقود البشرية كلها!!!.

قوة الذهن والروح..ومن بعدها قوة الجسد..اللي اتحقق بيها ده كله..هي موضوعنا 
.
في الحلقة اللي فاتت بدأنا كلام عن فن صناعة الإنسان القوي في 12 خطوة.، ومشينا مع بعض 6 خطوات منهم:
1- قوتهم مستمدة من قوتك

2- عقلية النمو

3- الصلاة والدعاء

4- الإستقلال والمسئولية

5- التفكير النقدي

6- إدراك معنى الحياة وغايات الوجود…
________________________
وفي هذه الحلقة نستكمل رحلتنا، بالخطوات من 7 إلى 12…